ژنانی دووگیان دەتوانن ڤاکسینی کۆرۆنا وەربگرن
SNN
شارەزایانی تەندروستی دەڵێن ژنانی دووگیان دەتوانن ڤاکسینی دژ بە کۆرۆنا وەربگرن، سەلامەتی ڤاکسینەکە لەسەر ژنانی دووگیان تاقیکراوەتەوە بەمەرجێک ژنەکە تەندروست بێت.
وەزارەتی تەندروستی روسیا لەوبارەیەوە داوای لە ژنانی دووگیان کردووە بەدەم وەرگرتنی ڤاکسینی کۆرۆناوە بچن و لەدوای 22 هەفتەی یەکەمی سکپڕییان دەتوانن ڤاکسینەکە وەربگرن.
وەزارەتی تەندروستی روسیا داواشی لە ژنانی دووگیان کردووە لەپێش وەرگرتنی ڤاکسین راوێژ بە پزیشک بکەن و دەڵێت “ئەو ژنە دووگیانانەی کە کێشی لەشیان زۆرە، نەخۆشی سی، شەکرە، نەخۆشی دڵ، شێرپەنجە و نەخۆشییە مەترسیدارەکانی جگەر و گورچیلەیان هەیە، باشترە ڤاکسینی کۆرۆنا وەرنەگرن”، وەزارەتەکە ڤاکسینی سپوتنیکی رووسی بە نموونە وەرگرتووە و دەڵێت :هیچ زانیاری و راپۆرتێکمان نییە کە دەریبخات ڤاکسینەکە مەترسی لەسەر ژنانی دووگیان یان کۆرپەکەی هەبووە.
