وەزارەتى دارایی هۆکارى دواکەوتنی دابەشکردنی مووچە بڵاودەکاتەوە

SNN

بەپێی زانيارييەکانی SNN کە لە سەرچاوەیەکی وەزارەتی دارایی دەستيکەوتووە، سەبارەت بەو دەنگۆیانەى هەندێ کەس و لایەن دەیهێننەوە بۆ دواکەوتن و بەسستی دابەشکردنی مووچە و بەتایبەتیش ئۆباڵى ئەو دواکەوتنە دەخەنە ئەستۆى نەگەڕاندنەوەى داهاتی سلێمانی، ئەنجامی بەدواداچوونەکان بەمجۆرەيە:

يەکەم- تا بەرواری 4/7/2021 بەشێک لەپارەى نەوت نەگەیشتۆتە RT بانک .

دووەم- تا بەرواری 4/7/2021 بڕە پارەى کەدەبێت هەولێر و دهۆک دابینی بکەن بۆ مووچە نەگەیشتۆتە بانکەکان.

سێيەم- لەبەروارى 4/7/2021 بڕی داهاتی دەروازەی ئیبراهیم خەلیل بە دۆلار گوازراوەتەوە بۆ هەولێر و رادەستی بانک کراوە.

هەر بەپێی زانيارييەکان: “لەمانگی (3 و4/ 2021) بڕى (5158736000) پێنج ملیار و  158ملیۆن و 736 هەزار دیناربۆ هەر مانگێک لەداهاتی ناوخۆ دابینکراوە بۆ هەردوو لیواى9 و 12”.

هاوکات، بۆ مانگی شەشی 2021 تا ئێستا تەنیا سلێمانی 100 ملیار دینارى ناردووە وەک داهاتی دابینکراو بۆ مووچە، مووچەى سنورى سلێمانی نزیکەى (288) ملیار دینارە، بەم جۆرە هەندێ جار زیاتر لەنیوەى مووچەى سنوری سلێمانی لەداهاتی ناوخۆیی دابین کراوە.