بانکی ناوەندی عێراق بڕە پارەیەکی زۆری بۆ پێشینەی خانووبەرە تەرخانکرد
SNN
ئەمڕۆ پێنجشەممە، بانکی ناوەندی عێراقی راگەیاند: پارەیەکی زیاتر بۆ کەرتی نیشتەجێبوون لە عێراقدا خەرج دەکەین و هەموو جۆرە ئاسانکارییەک دەکەین بۆ ئەوەی هاووڵاتیانی عێراقی سودمەندبن.
لە راگەیەندراوێکیدا بانکی ناوەندی عێراق ئاماژەی بەوەکردووە کە بانکی ناوەندی عێراق بۆ کەرتی نیشتەجێبوون بڕی 1.9 تریلیۆن دیناری تەخان دەکات کە تێیدا یەک تریلیۆن دیناری بۆ پێشینە خانووبەرە، 900 ملیار دیناریشی بۆ سندوقی نیشتەجێبوونە، ئەم بڕە پارە زۆرەش سەرجەم هاووڵاتیانی ناوەڕاست و باشووری عێراق لێی سوودمەند دەبن.
ماوەی چەندین ساڵە قەرزی خانووبەرە لە هەرێمی کوردستان وەستاوە، ئەمەش هاووڵاتیانی چینی ناوەندی زۆر زەرەرمەند کردووە و بووەتە رێگرێک تا هاووڵاتی بتوانێت ببێتە خاوەن یەکەی نیشتەجێبوون، ئەمەش بووەتە هۆی بەرزبوونەوەی بەردەوامی نرخەکانی یەکەی نیشتەجێبوون لە هەرێم.
