چین بە هێرشی ئەلیکترۆنی بۆ سەر کۆمپانیای مایکرۆسۆفت تۆمەتباردەکرێت
FILE PHOTO: A Microsoft logo is seen a day after Microsoft Corp's $26.2 billion purchase of LinkedIn Corp, in Los Angeles, California, U.S. June 14, 2016. REUTERS/Lucy Nicholson/File Photo
SNN
ئەمریکا و بەشێک لە وڵاتانی رۆژئاوا چین تۆمەتباردەکەن بەوەی کە هێرشی ئەلیکترۆنی بۆ سەر کۆمپانیای مایکرۆسۆفت ئەنجامداوە و چینیش ئەو تۆمەتە رەتدەکاتەوە.
ئەمریکا و وڵاتانی رۆژئاوا رایانگەیاندووە “چین بەشێک بووە لە هەوڵێکی فراوان بۆ هێرشی ئەلیکترۆنی سەر کۆمپانیای مایکرۆسۆفت و بەوەش ئاسایشی جیهانی خستووەتە مەترسییەوە.
چین لەسەر ئەو تۆمەتە هاتووەتەدەنگ و دەڵێت کە دژی هەموو جۆرە تاوانێکی ئەلیکترۆنییە و تۆمەتەکەش بەبێ بنەما و چەواشەکاری وەسفدەکات.
ژاو لییان وتەبێژی وەزارەتی دەرەوەی چین رایگەیاندووە “ئەمریکا و هاوپەیمانەکانی بەریتانیا، یەکێتی ئەوروپا، نیوزلەندا، ئوستراڵیا) دەنگیان خستووەتەپاڵ دەنگی یەک بۆ ئەوەی رەخنەنی نابەجێ لە چین بگرن”.
ئەو هێرشی ئەلیکترۆنیەی کە کراوەتەسەر مایکرۆسۆفت 30 هەزار رێکخراو و کەسایەتی و دام و دەزگا لێی زەرەرمەندبوون.
