وەزارەتی بازرگانی عێراق: بايەخ دەدەين بە دۆسيەی خۆراکی مانگانە
SNN
وەزارەتى بازرگانى عێراق رایگەیاند: “لەماوەى دوو هەفتە سەرکەوتوو بوون لە دابەشکردنى خۆراک بەسەر 60%ى دانیشتوانى شارەکاندا لەنێویاندا بەغدا و چەند پارێزگایەکى ترى عێراق”.
محەمەد حەنون، وتەبێژى وەزارەتى بازرگانى عێراق لە لێدوانێکیدا بۆ ئاژانسى هەواڵى عێراق رایگەیاند: “وەزارەتەکەمان بایەخى لەپێشینە دەدات بە دۆسیەى خۆراکى مانگانەى هاووڵاتیان کە خەڵکێکى زۆر پشتیان پێ بەستووە بۆ خۆراکى مانگانەیان “.
وتوشیەتى “پڕۆژەى سەبەتەی خۆراکى بۆ بەرەو پێشبردن و هەروەها پتەوکردنە لەپێناو گەرەنتى بەردەوامى دابەشکردنى بەشە خۆراکى مانگانە بەتایبەت دواى زیادکردنى چەند خۆراکێکى نوێ”.
ئاماژەى بۆ ئەوەش کرد: “ئەو خۆراکانەى کە لەچوارچێوەى سەبەتەکەدا دابەش دەکرێن برنج و شەکر و زەیت و پاقلەمەنی و دۆشاوى تەماتەیە”.
