بانکی نيشتمانی لە هەرێم دروستدەکرێت و سەر بە بانکی ناوەندی دەبێت
دیناری عێراقی
SNN
بهڕێوهبهری گشتی بانكه بازرگانیهكانی ههرێمی كوردستان رایگەیاند: “بانكێكی نیشتمانی دروستدهكرێت و سهر به بانكی ناوهندی دهبێت، دەشڵێت “لەعێراق ههر پێشینهیهك دابهشبكرێت ئەو بانكەش دهگرێتهوە“.
مهولود سابیر بهڕێوهبهری گشتی بانكه بازرگانیهكانی ههرێمی كوردستان بە میدیای فەرمى پارتی راگەياندووە: “حكومهتی ههرێم و وەزارەتی دارایی بڕیاری دامەزراندنی ئەو بانکەی داوە”.
لەبارەی کارەکانی بانکەکەوە، بهڕێوهبهری گشتی بانكه بازرگانیهكانی ههرێم ئاماژەی بەوەکردووە: “له ئێستادا نیوەی کارەکانی دامەزراندنی بانکەکە تەواو بووە و بانکەکە راستهوخۆ سهر به بانكی ناوهندی عێراق دهبێت، دەشڵێت “ههر پێشینهیهك له بانكی ناوهندی عێراقەوە بدرێت ئەو بانکەش دهگرێتهوه”.
مهولود سابیر وتیشی “بانکەکە بەشێوەیەکی راستەخۆ پەیوەندی بەبانکەکانی دەرەوەی وڵات دەبێت و سیستمی کارکردنیش تیایدا ئەلکترۆنیە و سەرجەم بانکە حکومییەکانی دیکەش لەژێر سەرپەرشتی ئەو بانکەدا دەبن”.
