چەند پاڵاوگەیەک لە هەولێر لەسەر کاری نایاسایی داخران

SNN

دەستەی ژینگەی هەرێم رایگه‌یاند: چەند پاڵاوگەیەك لە سنوری پارێزگای ھەولێر داخراون كه‌ خەریكی پاڵاوتنی (گازوایل بە تێزاب)بوون.

ئەمڕۆ پێنج شەممە، دەستەی ژینگەی هەرێم لە راگەیەندراوێکدا باسی لەوەشکرد: “لە درێژەی ھەڵمەتی داخستنی پاڵاوگاكان لە سنوری پارێزگای ھەولێر،تیمی پشكنین و چاودێری فەرمانگاكەمان بەھاوبەشی پۆلیسی قائمقامی قەزای ناوەندی سەردانی پاڵاوگاكانیان كردو چەند پاڵاوگەیەكی نایاساییان داخست كە خەریكی پاڵاوتنی(گازوایل بە تیزاب)بوون”.

دەستەی ژینگەی دەڵێت: “ئەم پاڵاوتنە كاریگەریەكی ڕاستەوخۆی ھەیە لە پیسبوونی ژینگە، چونكە پاشماوەیەكی بۆنداری زۆر ناخۆش لەدوای خۆیدا جێدێلێت، جگە لەو گازوایلەی كە بەرھەم دێت و كوالیتیەكی زۆر خەراپیشی ھەیەو دەیخەنە ناو بازارەكانی ھەرێم بەگشتی و ھەولێر بەتایبەتی”.