ڤیدیۆ: هەڵەیەک لە لوتکەی بەغدا روودەدات

SNN

ڤیدیۆی کاردانەوەى شاندی عێراق لەدوای هەڵەیەکی زەقی حسێن ئەمیر عەبدولهەیان، وەزیری دەرەوەى ئێران لە لوتکەی هەماهەنگی و هاوبەشی لە بەغدا وەک ئاگر تۆڕە کۆمەڵایەتییەکانی لە عێراق تەنی.

دوێنێ حسێن ئەمیر عەبدولهەیان وتبووی کە قەبارەی ئاڵوگۆڕی بازرگانی لەنێوان ئێران و عێراق گەیشتووەتە 300 ملیار دۆلار، بەڵام دواتر و پێش کۆتایی لوتکەکە، وەزیرە ئێرانییەکە زانیارییەکانی ڕاستکردەوە و وتی لە ڕاستیدا 13 ملیار دۆلارە نەک 300 ملیار دۆلار، هەردوای زانیارییەکەى وەزیرە ئێرانییەکە، شاندی عێراقی لە پشتی مستەفا کازمیی سەرۆکوەزیرانەوە توشی سەرسوڕمانی تەواوەتی بوون و کەوتنە مقۆ مقۆ لە نێوانیان و ئاماژەی دەستی ئەندامێکی شاندەکە خوێندنەوەى زۆری بۆ کرا.

هەروەها بڕیاربوو وەزیری دەرەوەی ئێران لە ڕیزی دووەمدا بوەستێت بۆ وێنەگرتن كە تایبەت بوو بە وەزیرانی دەرەوە، كەچی خۆی خزاندە ڕیزی سەرۆك و میرەكان لە لوتكەی ئەمڕۆی بەغدا بەپێچەوانەی پرۆتۆكۆلەوە.