چاودێرێكی سیاسی: چەکی بەکارهێنانی جنێو و ناوزڕاندن لە سۆشیال میدیا شکستی هێناوە
SNN-عەلی حەمە سەعید
ڕۆژنامەنوس و چاودێرێكی سیاسی لە سلێمانی ئاماژە بەوە دەكات لە دوای ڕووداوەكانی هەشتی تەمووز لە ئێستادا خەڵك لە پاراستنی سەروەت و ماڵی خۆی دڵنیایە و ئاسایش و هێمنی بەتەواوی باڵی بەسەر سلێمانیدا كێشاوە، ئەوانەشی وابیریان دەكردەوە كە لەدوای هەشتی تەمووز سلێمانی دەكەوێتە ژێر مەترسییەوە بەهەڵەدا چووبوون چونكە بۆیان دەركەوت كە چەكی جنێو و تەشهیر دنیایەكی جوانی بۆ دروستنەكردن.
ڕۆژنامەنوس و چاودێرێكی سیاسی لە سلێمانی ئاماژە بەوە دەكات لە دوای ڕووداوەكانی هەشتی تەمووز لە ئێستادا خەڵك لە پاراستنی سەروەت و ماڵی خۆی دڵنیایە و ئاسایش و هێمنی بەتەواوی باڵی بەسەر سلێمانیدا كێشاوە، ئەوانەشی وابیریان دەكردەوە كە لەدوای هەشتی تەمووز سلێمانی دەكەوێتە ژێر مەترسییەوە بەهەڵەدا چووبوون چونكە بۆیان دەركەوت كە چەكی جنێو و تەشهیر دنیایەكی جوانی بۆ دروستنەكردن.
شەنكار عەبدوڵا، ڕۆژنامەنوس و چاودێری سیاسی لە سلێمانی بە SNNی ڕاگەیاند: بەداخەوە كە لە ڕابردوودا بەكارهێنانی جنێو و هەڕەشە و تەشهیكردن و ناوزڕاندن لە بەشێك لە دەزگا ڕاگەیاندنەكانەوە زۆر كاری لەسەردەكرا بەڵام دواتر بۆ هەموولایەك ڕونبوویەوە كە لەڕابردوودا ئەم چەكە شكستی هێناوە، چونكە ململانێی تەندروست و راست بە جنێو و هەڕەشەكردن ناكرێت بەڵكوو بەكردەوە و خزمەتكردن دەكرێت.ئاماژەی بەوەشكرد، ئەوەی لە ئێستادا لە سیاسەتی نوێی یەكێتی نشتیمانی كوردستان بەدیدەكەین جیگای دڵخۆشییە بە بەراورد بە چەند مانگی ڕابردوو بە دیاریكراوی پێش ڕووداوەكانی هەشتی تەمووز، چونكە پێشتر تیرۆرێکی فكری مەترسیدار لە سلێمانی بەدیدەكرا بەڵام یەكێتی زوو بە ئاگاهاتەوە و لەدوای هەشتی تەمووز هەنگاوی جدی دەبیندرێت بۆ كۆتایی هێنان بەم حاڵەتە ئەوەی دەبیندرێت ئەوەیە كە هێمنی و ئارامییەكی باش باڵی بەسەر سلێمانیدا كێشاوە لەكاتێكدا ڕۆژگارێك هەبوو لە سلێمانی هاووڵاتیان لە پاراستنی سەروەت و ماڵ و موڵكیان دڵنیانەبوون بەجۆرێك لە بچوكترین ڕووداودا خەڵك ترسی لەوەهەبوو لە تۆڕە كۆمەلایەتییەكان زۆرترین تۆمەتی ناڕاستی بۆ دروستبكرێت، بەڵام ئێستە ئەم ترسە نەماوە.
ئەو ڕۆژنامەنوس و چاودێرە سیاسییە ئەوەشی ڕوونكردەوە، لەسەروبەندی گۆڕانكارییەكانی ناو یەكێتی لە هەشتی تەمووز جۆرێك ترس و دڵەڕاوكێ لای ئێمەی ڕۆژنامەنوسان و چاودێرانی سیاسی دروست بوو بوو بەوەی كە دەمانوت ئازادی ڕادەبرین لە دوای هەشتی تەمووز لە سلێمانی ڕوو لە پاشەكشە دەكات، بەڵام پێچەوانەكەی ڕاست بوو چونكە لەدوای هەشتی تەمووز ئەوەی كەوتە ژێر مەترسییەوە ئەوانەبوون كە چەكی دەستیان جنێو و هەڕەشە و تەشهیر و ناوزڕاندنی خەڵك بوو، چونكە ئەوانە ئازادی بە جنێودان تێگەیشتبوون بەڵام دیارە ئەوانەی وابیردەكەنەوە لە فەلسەفەی ئازادی تێنەگەیشتوون.
ئەم قسانەی ئەو چاودێرە لەکاتێکدایە دوێنێ بافڵ تاڵەبانی هاوسەرۆکی یەکێتی رایگەیاند: “چیتر نابێت جنێو و ناوزڕاندن بەکاربهێندرێت لە سۆشیال میدیا و دەبێت لە رێگەی خزمەتکردنی هاووڵاتیانەوە دەنگ بەدەستبهێندرێت”.
