توێژینەوەیەک: 50% تووشبووانی کۆرۆنا دوای چەندین مانگ نیشانەیان هەیە

SNN

توێژینەوەیەکی ئەڵمانی باس لەوەدەکات 50 لە سەدی تووشبووانی کۆرۆنا، لەدوای 9 مانگ لە چاکبوونەوەیان لە نەخۆشییەکە هەندێک نیشانەیان دەمێنێت.

توێژینەوەکە کە لە زانکۆیەکی ئەڵمانیا ئەنجامدراوە، ئەوەی خستووەتەڕوو، کە زۆرینەی ئەو نیشانە درێژخایەنانەی ڤایرۆسەکە بریتین لە لەدەستدانی توانای تامکردن، بێ هێزی و لاوازی بیرکردنەوە و سەرنجدان.

توێژینەوەکە لە مانگی تشرینی دووەمی ساڵی رابردووەوە دەستی پێکردووە و 1500 تووشبوو لە ئەڵمانیا وەک نموونە وەرگیراوە.

لەلایەکی دیکە رێکخراوی تەندروستی جیهان لەبارەی کاریگەری نیشانەکانی کۆرۆنا دەڵێت، لە کۆی 10 تووشبوو، یەکێکیان لەدوای 12 هەفتە بارودۆخی خراپە.