قەدەغەی هاتوچۆی تەواوەتی لەهەرێم راگەیەنرا
وێنەیەکی سلێمانی سەردەمی قەدەغەی هاتوچۆ فۆتۆ: SNN
SNN-
وەزارەتی ناوخۆی هەرێمی کوردستان بڕیاری نوێی لەبارەی قەدەغەی هاتووچۆ لە رۆژانی جەژن دەرکرد و رایدەگەیەنێت: “ماوەی 72 کاژێر قەدەغەی هاتووچۆی تەواوەتی دەبێت بۆ رۆژانی جەژن”.
هەر بەپێی بڕیارەکە “رۆژانی جەژن بۆ ماوەی ۷۲ کاتژمێر واتە هەرسێ رۆژی جەژن قەدەغەی هاتووچۆی تەواوەتی جێبەجێدەکرێت”.
بەپێی بڕیاری وەزارەتی ناوخۆ “قەدەغەی هاتوچۆ لە کاتژمێر 12ی شەوی 18/5/2020ەوە دەکەوێتە بواری جێبەجێکردنەوە.
هاوکات لە رۆژانی جەژندا سەرجەم مارکێت، نانەواخانە و ئەو شوێنانەی کە پێشتر بۆ خزمەتی هاونیشتمانییان رێگەیان پێدرابوو، دادەخرێن.
قەدەغەی هاتوچۆ لەنێوان هەرێمی کوردستان و پارێزگاکانی عێراقدا تاوەکو 1-6-2020 درێژکراوەتەوە و سیستەمی رێگەپێدانی ئەلیکترۆنی لە 22-5-2020 تاوەکو 27-5-2020 رادەگیرێت.
