وەزيری کارەبا: پارەی قەرزی کارەبا بە 12 قيست وەردەگرينەوە

SNN    

وەزیری کارەبای هەرێم رایگەیاند، “پارەی قەرزی هاوبەشانی کارەبامان کردووە بە قیست و بە 12 قیست پارەکە وەردەگرینەوە.”

کەمال محەمەد وەزیری کارەبای هەرێم لە چاوپێکەوتنێکیدا لەگەڵ فەرمانگەی میدیا و زانیاری حکومەتی هەرێم رایگەیاند: قەرزی هاوبەشانی کارەبا بە 12 قیست وەردەگرينەوە، دەشڵێت “دۆخی ئابووری هاووڵاتییان لەبەرچاودەگرين و لە رێگای میکانیزمی قیستەوە تەواوی پارەی قەرزی هاوبەشانی کارەبا وەردەگرينەوە”.

باسی لەوەشکردووە: “هەندێک هاووڵاتی قەرزی کارەبايان داوەتەوە، لە ئێستاشدا هەر هەيە، ئەو قەرزەی کە دروستبووە بەهۆی بارودۆخێکی ئابوورييەوەيە”.

ئەمەش دوای ئەوەدێت، رۆژی 13ی ئەم مانگەش وەزارەتی کارەبای هەرێم کۆبووە و تیایدا، چەند رێنمایی و بڕیارێکی نوێی دەرکرد و لەوانەش، “کۆکردنەوەی داهات و چاپکردنی پسوڵەی کارەبا لە کاتی خۆیدا.”