قوباد تاڵەبانی بۆ دھۆكییەكان: ئێمە زۆر باش ئاگاداری کێشە و موعاناتی ئەم دەڤەرە خۆڕاگرەین
SNN
قوباد تاڵەبانی سەرۆکی هاوپەیمانی کوردستان ئەمڕۆ لە دهۆک رایگەیاند: “ئێمە زۆر باش ئاگاداری کێشە و موعاناتی ئەم دەڤەرە خۆڕاگرەین، دەزانین کێشەی ئازادیتان هەیە، دەزانین لەم سنوورەدا کێشە بۆ هەر کەسێک دروست دەکرێت کە چالاک بێت و سەر بە لایەنێکی دیاریکراو نەبێت، وەکچۆن کێشە بۆ چالاکوانان و کادیرانی حیزبەکانی تر دروست کرا و زۆرێکیان بەچەندین ساڵ حوکمدران و بەردەوامیشن لە دەستوەردان سیاسی و کادرەکانمان عەزیەت دەدرێن و تومەتی سەیر و سەمەرە دەخرێنە پاڵیان”.
قوباد تاڵەبانی وتیشی:”خەباتی گەلی کورد لە پێناو ئازادی بوو، بەڵام لە بادینان ئازادییەکان بەرتەسک دەکرێنەوە و رۆژانە دەبینین ئازادییەکان بە بەرچاوی هەموومان و کۆمەڵگای نێودەوڵەتی ئەتک دەکرێن”.
راشیگەیاندن: “زۆر باش ئاگاداری کێشە و گرفتەکانی دەڤەری بادینانین و دەزانین دانیشتوانی ئەم دەڤەرە کێشەی ئازادییان هەیە، دەزانین لەم سنوورەدا کێشە بۆ هەر کەسێک دروست دەکرێت، کە چالاک بێت و سەر بە لایەنێکی دیاریکراو نەبێت. وەک چۆن کێشە بۆ چالاکوانان و کادیرانی حزبەکانی تر دروست کرا و زۆرێکیان چەندین ساڵ سزای زیندانیان بەسەردا سەپێنرا، زۆرێک لە کادیرەکانیشمان بە دەستوەردانی سیاسی ئەزیەت دەدرێن و تۆمەتی سەیروسەمەرە دەخرێتەپاڵیان”.
