مستەفا کازمی: سامانی وڵات تاڵانکراوە

SNN

سەرۆک وەزیرانی عێراق رایگەیاند: گەنجینەیەکی حکومی خاڵییان وەرگرتووە و سامانی وڵاتیش بە ئاشکرا براوەتە دەرەوە.

مستەفا کازمی لە وتارێکیدا کە لە رۆژنامەی زەمان بڵاویکردووەتەوە، رایگەیاندووە: ” گەنجینەیەكی حكومی خاڵیمان وەرگرت كە بەهۆی گەندەڵیەوە هیچی تێدانیە”.

وتیشی: “سامانی عێراق تاڵانكراوە و بە ئاشكرا براوەتە دەرەوەی وڵات، ئێستا وڵات لە ژێر مەترسی داڕماندایە و بەرەو فەوزادەچێت”.

سەبارەت بە رەوشی هاووڵاتیانی وڵاتەکە، کازمی وتوویەتی: “هەژاری مەترسیە لەسەر عێراق بە جۆرێك خانەوادەی شەهیدەكان لە خوار هێڵی هەژاریەوەن”.

ئاماژەی بەوەشکرد:” دەبێت حكومەت وەڵامدەرەوەی داواكاری خەڵك بێت. هیچ كات فەرمان بە تەقەكردن لە خۆپیشاندەران ناكەم و خۆپیشاندان مافێكی رەوای هاوڵاتیانە”.

لە بەشێکی دیکەی وتەکانیدا کازمی رایگەیاندووە: “پابەندین بە ئەنجامدانی هەڵبژاردن لە كات و ساتێكی گونجاودا”.