لە مانگی داهاتووەوە بەبێ کارتی ڤاکسین رێگە بە گەشتکردن نادرێت

SNN

دەسەڵاتی فڕۆکەوانی عێراق لەبارەی گەشتکردن لە فڕۆکەخانەکانەوە بڕیاریدا، بەبێ کارتی ڤاکسین رێگە نەدرێت گەشت بکرێت.

دەسەڵاتی فڕۆکەوانی عێراق ئاشکرای کرد، لەسەرەتای مانگی داهاتووەوە هەر گەشتیارێک کارتی ڤاکسینی پێ نەبێت رێگەی پێنادرێت لە فڕۆکەخانەکانەوە گەشت بکات.

ئەمە لەکاتێکدایە فڕۆکەخانەکانی هەولێر و سلێمانی بەپێی رێنماییەکانی دەسەڵاتی فڕۆکەوانی عێراق کاردەکەن و لەدوای ماوەیەکی کورت لە دەرکردنی هەر بڕیارێک لە رێنماییەکان ئاگاداردەکرێنەوە.

ئەمە لەکاتێکدایە هەڵمەتی کوتانی ڤاکسین بە هاووڵاتیان بەردەوامە و لە ماوەی رابردووشدا زیاتر لە یەک ملیۆن و 500 هەزار ژەمە ڤاکسینی کۆرۆنا گەیشتووەتە هەرێمی کوردستان.