دەرگای خوێندنگاکان بە کراوەیی دەمێننەوە
خوێندنگایەکی هەرێم
SNN
وەزیری تەندروستی حکومەتى هەرێمی کوردستان ڕایگەیاند: هیچ پێشنیارێک نەکراوە بۆ داخستنی ناوەندەکانی خوێندن و بەکراوەیی دەمێننەوە.
سامان بەرزنجی لە لێدوانێکیدا رایگەیاند: “دەرگای قوتابخانەکان بە کراوەیی دەمێنێتەوە و هیچ پێشنیارێکیش نەکراوە بۆ داخستنی دەرگای قوتابخانەکان، چونکە ئێستا ڤاکسین بەردەستە و هەموو ئاسانکاریێک بۆ مامۆستایان کراوە بۆ ئەوەی ڤاکسین وەربگرن”.
ئاماژەی بەوەشکرد: “لەجیاتی داخستنی دەرگای قوتابخانە ڕێککاری خۆپارێزی توندتر دەگیرێتەبەر بۆ ڕێگەگرتن لە بڵاوبوونەوەی زیاتری ڤایرۆسەکە”.
ئەمە لەکاتێکدایە کە رێژەی تووشبوون و گیانلەدەستدان لە هەرێمی کوردستان بەراورد بە پارێزگاکانی دیکەی عێراق بەرزە و لە ماوەی رابردووشدا شەپۆلێکی کۆرۆنا لە ئیدارەی ڕاپەڕین سەریهەڵدابوو بەجۆرێک لە نەخۆشخانەکان شوێنی داخڵکردنی نەخۆش نەمابوو.
