بڕیارێکی ئەردۆغان بەهای لیرەی تورکی دابەزاند

SNN

دوای ئەوەی رەجەب تەییب ئەردۆغان سەرۆککۆماری تورکیا بڕیاری کردنەدەرەوەی باڵیۆزانی 10 وڵاتی رۆژئاوای دەرکرد، بەهای لیرەی تورکی بەرامبەر دۆلاری ئەمریکی لەسەدا 2 دابەزی.

سەرلەبەیانی ئەمڕۆ دووشەممەی بەهای یەک دۆلاری ئەمریکی بەرامبەر بە 9.77 لیرەی تورکی بوو، واتە لە سەرەتای ئەمساڵەوە چارەکێکی بەهاکەی لەدەستداوە.

ئەردۆغان بڕیاری دەرکردنی 10 باڵیۆزی وڵاتانی رۆژئاوای داوەتە وەزیری دەرەوەی تورکیا، ئەوەش دوای ئەوەهات کە ئەو وڵاتانە راگەیەندراوێکی هاوبەشیان بڵاوکردەوە سەبارەت بە پرسی زیندانیکردنی عوسمان کاڤالا چالاکوان و خێرخواز و ناڕەزاییان لەوبارەیەوە نیشاندا.