بیلارووسیا ڕێگەیەکی دیکەی گەشتی هاووڵاتیانی عێراقی داخست بەرەو وڵاتەکەی

SNN

هێڵی فڕۆکەوانی بیلارووسی ناوسراو بە “بیلافیا” ئەمڕۆ هەینی رایگەیاند: بە هیچ جۆرێک رێگە بە هاووڵاتیانی عێراقی و سوری نادات لە رێگەی تورکیاوە برۆنە وڵاتی بیلارووسیا و بە پێچەوانەشەوە، لەسەر ئەم بابەتەش ئەنقەرەی ئاگادارکردووەتەوە.

پاش ئەوەی هەفتەی رابردوو کونسوڵخانەی بیلارووسیا لە بەغدا و هەولێر، بە یەکجاری داخرا بەهۆی کۆچی هاووڵاتیانەوە بۆ ئەو وڵاتە و پاشان چونیان بۆ وڵاتانی یەکێتی ئەوروپا، بەڵام گەشتیاران رێگەی نوێیان دۆزیوەتەوە وەک لە ئیماراتەوە دەڕۆن بۆ بیلاروسیا یاخود لە تورکیاوە، لەکاتی ئێستادا حکومەتی بیلارووسی هەردوو رێگەکەی لە هاووڵاتیانی عێراقی و سووری داخستووە.

لەکاتی ئێستادا ژمارەیەکی زۆری کۆچبەر لە سنووری نێوان پۆڵەندا و بیلارووسیادا ماونەتەوە کە ژمارەیان دەگاتە زیاتر لە 3000 کەس و بەشێکی زۆریان کوردن، وڵاتی پۆڵەنداش ئامادە نییە سنوورەکانی بەرووی ئەو کۆچبەرانەدا بکاتەوە تا بڕۆنە وڵاتی یەکێتی ئەوروپا.