فراکسیۆنی یەکێتیی لە پەرلەمان “پشتیوانی لە داخوازییەکانی خوێندکاران دەکەین”
فراکسیۆنی یەکێتی لە پەرلەمان
SNN
فراكسیۆنی یەكێتی لە پەرلەمانی كوردستان پشتیوانیی لەداخوازییەكانی خوێندكاران دوپاتكردهوه و و داواشیكرد خوێندكاران بە شێوەیەكی مەدەنی و شارستانیانە خۆپیشاندان بكەن و هێزه ئهمنییهكانیش ئارام بن و دان بهخۆیاندا بگرن.
زیاد جەبار سەرۆكی فراكسیۆنی یەكێتی له پهرلهمانی كوردستان له كۆنفرانسێكی رۆژنامهوانیدا ڕایگەیاند: پشتیوانی لە داخوازییەكانی خوێندكاران دەكەین و پێویستە حكومەتی هەرێمی كوردستان ئەو یاداشتانەی كە لە پەرلەمانی كوردستان بەمەبەستی دابینكردنی دەرماڵەكان ئەنجامدراوە حكومەت كاری لەسەربكات و جێبەجێی بكات.
هیواشی خواست خۆپیشاندانەكان كۆتایی پێبێت و چیدی توندوتیژی لێنەكەوێتەوە و داوا لە هێزە ئەمنییەكانیش دەكات خۆراگڕ بن و خۆپیشاندەران پارێزراو بن و توندوتیژی بەرامبەریان نەكرێت، چونكە ئەوانە خوشك و برا و كوڕ و كچی ئێمە و كەسوكاری ئێمەن و داوای مافێكی ڕەوای خۆیان دەكەن.
زیاد جەبار داوای لە خۆپیشاندەران كرد بە ئارامی و مەدەنیانە خۆپیشاندان بكەن بۆ ئەوەی توندوتیژی لێنەكەوێتەوەو پێی راگهیاندن كه وەزیری خوێندنی باڵا داواكارییەكانی خوێندكارانی بۆ ئەنجومەنی وەزیران بەرزكردوهتەوە و دەبێت ئەنجومەنی وەزیران بڕیار بدات و لەوێوە تەوسییەی وەزارەتی دارایی بكرێت بۆ خەرجكردنی دەرماڵەكان و سێ یاداشت بەرز كراوەتەوە و 48 ئەندامی پەرلەمان ئیمزایان كردووە بۆ كۆبوونەوەی پەرلەمان سەبارەت بەو بابەتە.
