لقی سلێمانی سەندیکای رۆژنامەنوسان داوا دەکات ھێمنی شار بپارێزرێت
SNN
لقی سلێمانی سەندیکای رۆژنامەنوسانی کوردستان داوا دەکات هێمنی شاری سلێمانی و گيانی ميدياکاران پارێزراوبێت و داواشدەکات “کەناڵەکان هەوڵی ڕوماڵکردنی راستەقينە بدەن”.
لقی سلێمانی سەندیکای رۆژنامەنوسانی کوردستان راگەیەنراوێکی سەبارەت بە خۆپیشاندانەکانی خوێندکاران بڵاوکردەوە و رایگەیاند، لەدوو رۆژی رابردووداو لەگەڵ خۆپیشاندانی خوێندکارانی زانکۆ و پەیمانگەکان بۆ گێڕانەوەی دەرماڵەی بڕاویان لەساڵی ٢٠١٤ وە، کۆمەڵێک رووداوی نەخوازراو بەریەک کەوتن روویدا کە میدیا کاران و کەلوپەلو پێداویستییەکانیان لەلایەن خۆپیشادەرانەوە شکێنران و ھەندێکیشیان لەلایەن ھێزەکانی ناوخۆوە دەستیان بەسەردا گیرا.
لە بەشێکی تری راگەیەنراوەکەدا ھاتووە، داواکارن جوانی و ھێمنی شارو ئازادی وتن و بڵاوکردنەوە لەسەرو ھەموو بەرژەوەندیەکەوە بێت و کەناڵەکانیش لەھەوڵی رووماڵکردنی راستەقینەدا بن نەک بە گەورەکردن و بچوک کردنەوەی روداوەکان.
