حکومەتی هەرێم گشتاندنێکی لە بارەی دەوامی فەرمانبەران لە ساڵی داهاتوو بڵاوکردەوە

SNN

وەزارەتی دادی حکومەتی هەرێم گشتاندنێکی لەبارەی دەوامی فەرمانبەران و سەردانی هاووڵاتیان بۆ فەرمانگەکان لە ساڵی داهاتوو بڵاوکردەوە.

لە گشتاندنێکدا کە واژۆی فرسەت ئەحمەد وەزیری دادی لەسەرە، هاتووە، هەر فەرمانبەرێک لە هەر پلە و پۆستێکدا بێت، ئەگەر تا 1/1/2022 ڤاکسینی  وەرنەگرتبێت، ناتوانێت پابەندبێت بە دەوامی  فەرمییەوە.

لە خاڵی دووەمی گشتاندنەکەدا هاتووە،  لەدوای 1/1/2022 هیچ هاووڵاتییەک ناتوانێت سەردانی فەرمانگەکان بکات بەمەبەستی ڕاییکردنی مامەڵەکانی بەبێ وەرگرتنی ڤاکسین.

راشیگەیاندوە: ” لە کاتی جێبەجێنەکردنی  ئەم گشتاندنە، سەرۆک و بەرپرسی فەرمانگە  ڕووبەڕووی لێپێچینەوە دەبنەوە”.

لە کۆتایشدا هاتووە: “گشتاندنەکە پێویستبوونی بەستنی ماسکی دووپات کردووەتەوە”.