غازی کەرکوکی دەنگۆی دەستگیرکردنی رەتدەکاتەوە

SNN- عەلی حەمە سەعید

غازی کەرکوکی، ئەندامی سەرکردایەتی یەکێتی رایگەیاند، ئەو هەواڵانەی لەبارەی دەستگیرکردنی من بڵاوکراونەتەوە دوور لە راستییەوە.

لە لێدوانێکدا بۆ SNN غازی کەرکوکی رایگەیاند: ” سەرتاپای ئەو هەواڵانەی لەبارەی دەستگیرکردنمەوە بڵاوکراونەتەوە درۆن و دوورن لە راستییەوە و من لە ماڵی خۆمم و لە ناو ماڵ و منداڵی خۆم دانیشتووم”.

وتیشی، زۆر جار هەندێک سایت و پەیج تەنیا بەرامبەر من ئەو هەواڵە چەواشەکاریانە بڵاو ناکەنەوە، بەڵکوو بەرامبەر کەسانی دیکەش ئەو کارە دەکەن و ئامانجیشیان بۆ کۆکردنەوەی لایک و کۆمێنتە.

ئەمەش دوای ئەوە دێت کە هەندێک پەیج لە تۆڕە کۆمەڵایەتییەکان هەواڵی دەستگیرکردنی ئەو ئەندامەی سەرکردایەتی یەکێتیان لە لایەن هێزە ئەمنییەکانەوە بڵاوکردبوەوە.