گرێبەستی ئەلیکترۆنی کڕین و فرۆشتنی ئۆتۆمبێل بۆ ماوەی سێ مانگ راگیرا

SNN

بەپێی زانیارییەکانی SNN، گرێبەستی کڕین و فرۆشتنی ئۆتۆمبێل لەلایەن وەزارەتی ناوخۆوە بۆ ماوەی سێ مانگ راگیراوە و پێداچوونەوە بۆ دەکرێت، بەتایبەت دوای ئەوەی فشارێکی زۆر لەلایەن خاوەن پێشانگاکانەوە ئەنجامدرا بۆ هەڵوەشاندەنەوەی ئەو گرێبەستە ئەلیکتۆنییە.

هەر لەسەر ئەم بڕیاری هەڵوەشاندوەیەش لەلایەن وەزارەتی ناوخۆوە، سبەی یەکشەممە هۆکارەکانی هەڵوەشاندنەوەی گرێبەستی ئەلیکترۆنی کڕین و فرۆشتنی ئۆتۆمبێل دەخرێتە روو، لەگەڵ ئەوەشدا ئەو پێداچوونەوانەی دەخرێتە روو کە بە فۆڕمەکەدا دەکرێت.

گرێبەستی ئەلکترۆنی گرێبەستێکی باوەڕپێکراوە و سنووری بۆدیاری کراوە کەمانگێکە بۆ ئوتومبێلی بەکارهاتووی تۆمارکراو، ماوەی 60 رۆژی بۆ ئوتومبێلی بەکارهاتوو یان بەکارنەهاتووی تۆمارنەکراو و دەبێت لەماوەی دیارکراو کارەکانی تۆمارکردن یان گۆڕینی مولکیەت ئەنجام بدرێت، کەئەمەش رێگر دەبێت لەهەر کێشەیەکی هەڵبەز و دابەزی نرخ و پەشیمانبوونەوە، تێچووی ئەم فۆڕمە ئەلیکتۆنییە 100 دۆلارە.