نۆ تیرۆرست لە پارێزگای دیالە کوژران
سوپای عێراق
SNN
ھێزە ئەمنییەکانی عێراق شانەیەکی تیرۆریستانی داعشیان لە پارێزگای دیالە کردە ئامانج و لانی کەم نۆ تیرۆریست کوژران.
شانەی راگەیاندنی ئەمنی عێراق لە راگەیەنراوێکدا ئاشکرای کردووە، سوپای عێراق بە پشتیوانی ھێزی ئاسمانی سێ ھێرشیان لە پارێزگای دیالە ئەنجام داوە، بەھۆیانەوە 9 تیرۆریست کوژراون. ئاشکراشیکردووە، ھەڵمەتەکان بۆ دەستگیرکردنی تیرۆریستان لە سنوورەکەدا بەردەوامە.
لە لایەکی ترەوە تیرۆریستانی داعش چوار موشەکیان ئاراستەی ناوچەی سەحاجی لە خۆرئاوای موسڵ کرد، بەڵام ھیچ زیانێکی گیانی نەبوە.
