وەزارەتی سامانە سروشتییەکان رێگە نادات نەوت بە هەرزانتر لە هەڵەبجە دابەش بکرێت

SNN

تا ئێستا نەوتی سپی بەسەر ماڵانی هەڵەبجەدا دابەش نەکراوە، قایمقامیەتی هەڵەبجەش هۆکارەکەی بۆ ئەوە دەگەڕێنێتەوە کە داوایانکردووە نەوت بە نرخێکی هەرزانتر بەسەر هاووڵاتیان دابەش بکرێت بەڵام وەزارەتەکە وەڵامی داواکەی نەداونەتەوە.

نوخشە ناسیح قائیمقامی هەڵەبجە لە لێدوانێکدا بە دەنگی ئەمەریکای ڕاگەیاند” ئێمە وەک ئیدارەی هەڵەبجە داوامان کردووە کە نرخی نەوت 55 هەزار دینار بێت بەڵام حکومەت ئەوەی ڕەتکردوەتەوە”.

هاوکات رایگەیاندووە: “وەزارەتی سامانە سروشتیەکان وەڵامی داواکەی نەداوینەتەوە کە داوامانکردبوو نرخەکەی کەم بکرێتەوە .”

رفتی سوتەمەنی لە کاتێکدایە تا ئێستا لە پارێزگای هەڵەبجە بەڕێوەبەرایەتی بەرهەمە نەوتیەکان نەکراوەتەوە، بەشە سوتەمەنی هەڵەبجە لە لایەن بەڕێوەبەرایەتی بەرهەمە نەوتیەکانی سلێمانیەوە دابین دەکرێت، ئەمەش وەهای کردووە قەیرانی سوتەمەنی بەگشتی دروست ببێت.