وەزارەتی شارەوانی: دیراسە بۆ بڕیاری پارە وەرگرتن لە بەرامبەر وەستانی ئۆتۆمبێل دەکرێت
وێنە: موسلیم فەخری/ هەولێر
SNN
وەزارەتی شارەوانی و گەشتوگوزاری هەرێم رایگەیاند: بڕیاری وەرگرتنی پارە لە بەرامبەر وەستانی ئۆتۆمبێل لەسەر شەقامەکانی هەولێر، لەژێر دیراسە و وردبینیدایە.
وەزارەتەکە ئەوەی خستەڕوو کە ئەو بڕیارە لە ماوەی کابینەی پێشوودا بڕیاری لەسەر دراوە و لە ئێستادا راگیراوە بەمەبەستی وردبینی و دیراسەکردن.
بڕیارەکە بریتییە لە وەرگرتنی پارە لە بەرامبەر وەستانی ئۆتۆمبێل لە هەولێر بەجۆرێک بۆ هەر کاتژمێرێک هەزار دینار وەردەگیرێت.
بڕیارەکەش ئەگەر بخرێتە بواری جێبەجێکردنەوە کارەکانی لەلایەن کۆمپانیای کۆریدۆر جێبەجێ دەکرێت.
