پەرلەمانی عێراق دەرگای خۆکاندیدکردن بۆ پۆستی سەرۆککۆمار دەکاتەوە
ئهنجوومهنى نوێنهرانى عێراق | فۆتۆ: BT
SNN
سەرۆکی ئەنجوومەنی نوێنەرانی عێراق دەرگای خۆکانديدکردن بۆ پۆستی سەرۆککۆماری عێراق کردەوە و دەڵێت، لە رۆژی چوارشەممەوە دەستپێدەکات و سێ رۆژ دەخایێنێت.
لەسەر ئەو پرسەش، شیروان میرزا، ئەندامی ئەنجومەنی نوێنەرانی عێراق لە خولی چوارەمی پەرلەمان بە SNNی ڕاگەیاند: بابەتی كردنەوەی دەرگای خۆپاڵاوتن بۆ هەر پۆستێك ڕێوشوێنی تایبەت بەخۆی هەیە و ماوەكەی دیاریكراوە، ئەوەی پەیوەستە بە پۆستی سەرۆككۆماری عێراق لە یاسای ژمارە 8ی ساڵی 2012 ئەوە ڕوونكراوەتەوە كە هەڵبژاردنی سەرۆككۆمار و خۆپاڵاوتن بۆ ئەوپۆستە تەنها یەكجارە.
جەختی لەوەشكردەوە: لە هیچ شوێنێكی یاسادا ئەوە نەهاتووە كە ئەگەر لە دانیشتنی پەرلەمان بۆ هەڵبژاردنی سەرۆك كۆمار، نەتواندرا سەرۆك كۆمار هەڵبژێردرێت ئەوا جارێكی دەرگای خۆپاڵاوتن دەكرێتەوە شتی وانیە، بۆیە هەر كارێكی پێچەوانەی یاسا بكرێت دواتر لە دادگای فیدراڵی تانەی لێدەدرێت و هەنگاوەكانی رادەگیرێت.
