بانکی ناوەندی لەسەر نرخی دۆلار هاتە دەنگ

SNN

پارێزگاری بانکی ناوەندی عێراق رایگەیاند: تاوتوێی بابەتی نرخی دۆلار دەکرێت لە هەموو روویەکەوە، پێويستيشە دامەزراوە داراییەکان لێکەوتەکانی گۆرانی نرخی دۆلار لێکبدەنەوە.

 مستەفا غالب پارێزگاری بانکی ناوەندی عێراق رايگەياند: هەموو دامەزراوە داراییەکانی وڵات پێویستە لە سەریان ئەرکەکانی خۆیان جێبەجێ بکەن بۆ لێکدانەوەی تەواوی لێکەوتەکانی گۆڕانی نرخی دراوەوە.

ئاماژەی بەوەشکرد: لە کۆبوونەوەی دوێنێیدا لەگەڵ جێگری سەرۆکی پەرلەمان و نوێنەری فراکسیۆنەکان تاوتوێی ئەوە کراوە کە چۆن بتوانن چۆنییەتی کڕین و فرۆشتنی دراوە بیانییەکان رێکبخەن لە بازاڕەکاندا و چۆن چاودێری بخرێتە سەر کەرەستەکانی پەیوەست بە ئاڵوگۆڕی دراوەکان.

لە دوو رۆژی رابردوودا نرخی دۆلار لە بازارەکانی عێراقدا ناجێگيری بەرچاوی بەخۆوە بينی، شارەزايانی ئابوريش هۆکارەکەيان بۆ توتەکەی موقتەدا سەدر گەڕاندەوە کە جەختی لە دابەزاندنی نرخی دۆلار دەکردەوە.