بانكى نێودهوڵهتى 723 ملیۆن دۆلار دهداته ئۆكرانیا
بارهگاى سهرهكى بانكى نێودهوڵهتى له واشنتن
SNN
بانكى نێودهوڵهتى بڕیاریدا 723 ملیۆن دۆلار وهك قهرز بداته ئۆكرانیا به مهبهستى پاڵپشتیكردن له حكومهتى ئهو وڵاته و هاوكاریكردنى له رووبهرووبوونهوهى رووسیادا.
ئهمڕۆ دووشهممه 8ى ئازار، بانكى نێودهوڵهتى رایگهیاند، “بڕیارماندا به پێدانى بڕى 723 ملیۆن دۆلار قهرز به ئۆكرانیا كه بڕى 350 ملیۆن دۆلارى لهلایهن بانكى ناوهندییهوه دابینكراوه و وهك قهرز، هاوكات بڕى 139 ملیۆن دۆلارى لهلایهن سوید و هۆڵهنداوه گهرهنتى كراوه”.
له بهیاننامهكهدا بانكى نێودهوڵهتى ئاماژهى بهوهشكردووه، “بڕى پارهكه 134 ملیۆن دۆلارى لهلایهن بهریتانیا، دانیمارك، لاتیڤیا، لیتوانیا و ئایسلاندهوه دابینكراوه، هاوكات بڕى 100 ملیۆن دۆلاریشى لهلایهن یابانهوه دابینكراوه”.
بانكى نێودهوڵهتى ئهوهشى روونكردووهتهوه، “مهبهستى پێدانى قهرزهكه هاوكاریكردنى ئۆكرانیایه له رووبهڕووبوونهوهى رووسیا و تهواوكردنى بودجهى وڵاتهكهیه”.
بڕیارهكهى بانكى ناوهندى دواى ئهوه دێت كه ڤۆڵدیمیر زیلنیسكى، سهرۆكى ئۆكرانیا داواى هاوكارى له وڵاتان كرد و وتى: “ئهگهر یارمهتیمان نهدهن لهم شهڕهدا به ئارامى و به ئازارهوه دهمرین”.
