ڕێزان شێخ دلێر: ئەگەر ڕێبەر ئەحمەد ببێتە سەرۆککۆمار زيانی گەورەی دەبێت بۆ عێراق

SNN-عەلی حەمە سەعيد
ئەندامێکی پێشووی پەرلەمانی عێراق رايگەياند: ئەگەر ڕێبەر ئەحمەد ببێتە سەرۆککۆمار زيانێکی زۆری دەبێت بۆ پڕۆسەی سياسی لە عێراق و بۆ خودی خۆشی چونکە تەجروبەيەکی ئەوتۆی نييە.

ڕێزان شێخ دلێر ئەندامی پێشووی پەرلەمانی عێراق بە SNNی راگەياند: حکومەتی هەرێم لە دادگای فيدڕاڵی دنيايەک کێشەی هەيە، پارتی ناتوانێت بە 32 دەنگ و بەبێ لايەنە کوردييەکان هەموو ئەم کێشانە بوەستێنێت، ئێمە وەک کورد زەرەرێکی گەورە دەکەين.

راشيگەياند: پارتی ديموکراتی کوردستان تەنها بير لە بەرژەوەندی خۆی دەکاتەوە و بير لە کوردستانيش ناکاتەوە، ئێمە وەک يەکێتی هەڵوێستمان دەبێت.

سەبارەت بە پرسی هەڵبژاردنی سەرۆککۆماريش دەڵێت”کانديدەکەی پارتی تەجروبەيەکی کەمی سياسی هەيە و ئەگەر ببێتە سەرۆککۆمار زيانی بۆ پڕۆسەی سياسی عێراق و بۆ خۆشی دەبێت”.

رێزان شێخ دلێر لە بارەی بەردەوامی رێککەوتنەکەی پارتی و لايەنی سەدريەوە باسی لەوە کرد: هەميشە سەدرييەکان هەڵوێستيان گۆڕاوە و نازانين رێککەوتنەکە سەردەگرێت ياخود نا.