نرخى ماسى له 12 ههزارهوه دابهزى بۆ 8 ههزار
خاوهن كێڵگهیهكى بهرههمهێنانى ماسى | فۆتۆ: عەلى حەمە سەعید/SNN
SNN
پاش ئهو بهرزبوونهوه بهرچاوهى كه له ماوهى دوو مانگى رابردوودا نرخى ماسى بهخۆیهوه بینى، ئهمڕۆ ههینى 24ى حوزهیران، نرخى یهك كیلۆ ماسى له بازاڕهكانى ههرێمى كوردستان دابهزیى بۆ 8 ههزار دینار.
سۆران عهبدولغهفور، بهڕێوهبهرى چاودێرى بازرگانى پارێزگاى سلێمانى له نوێترین لێدوانى رۆژنامهوانیدا رایگهیاند، “ههفتهیهك لهمهوهبهر نرخى یهك كیلۆ ماسى له بازاڕهكاندا به 12 ههزار بوو، بهڵام له ئێستادا بههۆى دهستپێكردنهوهى وهرزى راوهماسى و هاوردهكردنى بهرههمى ماسى له دهرهوهى ههرێم نرخى ماسى دابهزینى بهخۆیهوه بینیووه”.
وتیشى: “ماسى ئێستا له بازاڕهكاندا به 8 ههزار دینار بۆ ههر كیلۆیهك دهگاته دهستى هاووڵاتییان، بهپێى پێشبینییهكانى ئێمه له چهند رۆژى داهاتوودا زیاتریش دادهبهزێت”.
لهبارهى ئهوهى ئایا چاوهڕێدهكهن نرخى یهك كیلۆ ماسى بگاتهوه ئاستى پێش گرانبوونى كه 3 ههزار دینار بوو بۆ ههر كیلۆیهك؟ ئهو بهرپرسهى حكومهتى ههرێم ئهوهشى خستهڕوو، “بههۆى بهرزى نرخى عهلهفهوه چاوهڕێناكهین نرخى ماسى بگاتهوه 3 ههزار دینار”.
له ماوهى رابردوودا نرخى ماسى له بازاڕهكانى ههرێمى كوردستان تهنیا 3 ههزار دینار بوو، بهڵام بهرزبوونهوهیهكى بهرچاوى بهخۆیهوه بینى، بهشێوهیه نرخى یهك كیلۆ گۆشتى ماسى خاو بهرزبوویهوه بۆ 12 ههزار دینار.
