لەژێر فشاری دەرچووانی زانكو پەیمانگاكاندا دامەزرانی 132 كەس ڕاگیرا
SNN-عەلی حەمە سەعید
دوای ئەوەی ماوەی دوو ڕۆژە دەرچووانی بەشێك لە زانكۆ و پەیمانگاكانی سنوری پارێزگای هەڵەبجە لەبەردەم بەڕێوەبەرایەتی گشتی تەندروستی هەڵەبجە دەستیان بە گردبوونەوە و ناڕەزایەتی كردووە لەبارەی شایستە نبوونی بەشێك لەوانەی ناویان بۆدامەزراندن دەرچووە، ئەمڕۆ قایمقامی قەزای ناوەندی هەڵەبجە هاتنە ناو خۆپیشاندەران و دڵنیایی پیدان كە ئەو دامەزراندنە پێداچوونەوەی پێدادەكرێت و یەكشەممە لیژنەیەكی وەزارەتی تەندروستی دێنە هەڵەبجە.
نوخشە ناسیح، قایمقامی ناوەندی پارێزگای هەڵەبجە بە SNNی ڕاگەیاند: دوای ئەوەی ماوەی دوو ڕۆژە بەشێك لە دەرچووانی زانكۆ و پەیمانگاكان كە ناویان دەرنەچووە لە پرسەی دامەزراندنی 132 كەس بۆ كەرتی تەندروستی هەڵەبجە دەستیان بە ناڕەزایەتیكردووە و پێیان وایە كە ڕەچاوی خاڵبەندی و پێوەرەكانی دامەزراندن نەكراوە بۆ ئەومەبەستەش لەبەردەم بەڕێوەبەرایەتی گشتی تەندروستی هەڵەبجە دەستیان بە گردبوونەوە كردبوو.
ئاماژەی بەوەشكرد، بۆ بەدەمەوەچوونی داواكاری ئەو دەرچووانەی زانكۆو پەیمانگاكان ئەمڕۆ بە نوێنەرایەتی پارێزگاری هەڵەبجە سەردانی ئەو دەرچووانەم كرد، بەلچێنی ئەوەمان پێدان كە لەگەڵ وەزارەتی تەندروستی گفتوگۆیان كردووە و نیگەرانی ئەوانیان گەیاندووە بە وەزارەتی تەندستی بۆ ئەومەبەستەش وابڕیارە ڕۆژی یەك شەممەی داهاتووو لە وەزرەتی تەندوستییەوە لیژنەیەكی تایبەت بەو پرسە بێنە پارێزگای هەڵەبجە.
قایمقامی ناوەندی پارێزگای هەڵەبجە ئەوشی خستەڕوو، دەرچووانی زانكۆو پەیمانگاكانمان دڵنیاكردووەتەوە كە وەزارەتی تەندروستیمان ئاگااركردووەتەوە كە كار بەو لیستە نەكات كە وەك ناوی دامەزراون ڕاگەیەندراون تا ئەوكاتەی لیژنەكەیان دێتە هەڵەبجە و گوێ لە دەرچووانی زانكۆ و پەیمانگاكان دەكرێت و پێداچوونەوە بە خاڵبەندی دامەزراندیان دەكریت بەجۆرێك كە پرۆسەكە بەشیچوەیەكی دادپەروەرانە ئەنجام بدرێت.
