د. ڤالا فهرید رهتیدهكاتهوه چهمچهماڵ به “پایتهختى شههیدان” ناوبنرێت
كۆمهڵێك منداڵ له مۆنۆمێنتى شههیدان له چهمچهماڵ | فۆتۆ: SNN
SNN
وەزیری ھەرێم بۆ کاروباری پەرلەمان پێشنیازە یاسای ناونانی چەمچەماڵ بە “پایتەختی شەھیدان” بهشێوهیهكى فهرمى رهتدهكاتهوه لهبهر ئهوهى پێیوایه، “زۆرینهى ناوچهكانى ههرێمى كوردستان خاوهنى شههیدن”.
له ماوهى رابردوودا پێشنیازه یاساى ناونانى چهمچهماڵ به پایتهختى شههیدان لهلایهن پهرلهمانهوه ئاراستهى ههردوو وهزارهتى شههیدان و ئهنفالكراوان و وەزیری ھەرێم بۆ کاروباری پەرلەمان كران بۆ ئهوهى بۆچوونى خۆیانى لهسهر بڵێن.
له وهڵامى داواكارییهكهى پهرلهماندا د. ڤالا فەرید، وەزیری ھەرێم بۆ کاروباری پەرلەمان لە نوسراوێکدا کە ئاڕاستەی سەرۆکایەتی پەرلەمانی کوردستانی کردووە رهتیدهكاتهوه چهمچهماڵ به پایتهختى شههیدان ناوبنرێت.
لە نوسراوەکەی د. ڤالا فەرید، وەزیری ھەرێم بۆ کاروباری پەرلەماندا ھاتووە، “سەبارەت بە پیشنیازە یاسای ناونانی چەمچەماڵ بە پایتەختی شەھیدان و ئەنفالکراوان لە ھەرێمی کوردستان – عێراق، دوابەدوای وەرگرتنی را و سەرنجی وەزارەتی کاروباری شەھیدان و ئەنفالکراوان بە ژمارە 91 لە 16ى حوزهیرانى 2022، بەرێزتان ئاگاداردەکەینەوە کە پشتگیری لە رای وەزارەتی کاروباری شەھیدان و ئەنفالکراوان دەکەین، بە رەتکردنەوەی پێشنیازە یاسای ئاماژەپێکراو”.
لهبارهى هۆكارى رهتكردنهوهكهوه وەزیری ھەرێم بۆ کاروباری پەرلەمان ئهوهشى خستووهتهڕوو، “لە بەرئەوەی زۆرێک لە ناوچەکانی کوردستان خاوەنی شەھیدن و یادەکانیش لەسەرجەم ناوچەکان دەکرێتەوە” ناكرێت چهمچهماڵ بهو ناوه ناوبنرێت.
