پۆليسی سلێمانی: بکوژی ژنەکەی گەرەکی تاڤگە دەستگير کرا

SNN
پۆليسی سلێمانی رايگەياند: هێزه‌كانی‌ پۆلیسی‌ پارێزگای‌ سلێمانی‌ بكوژی‌ ئه‌و ژنه‌یان ده‌ستگیركردووە كه‌ شه‌وی‌ ڕابردوو له‌لایه‌ن براكه‌یه‌وه‌ به‌هۆی‌ كێشه‌یه‌كی‌ كۆمه‌ڵایه‌تییه‌وه‌ ته‌قه‌ی‌ لێكراو كوژرا.

بەڕێوبەرايەتی پۆليسی پارێزگای سلێمانی لە راگەيەنداراوێکدا بڵاويکردەوە: دوای‌ ئه‌وه‌ی‌ شه‌وی‌ ڕابردوو له‌گه‌ڕه‌كی‌ تاڤگه‌ی‌ شاری‌ سلێمانی‌ تۆمه‌تبارێك هه‌ڵده‌كوتێته‌ سه‌ر ماڵی‌ خوشكه‌كه‌ی‌‌و ته‌قه‌ی‌ لێده‌كات‌ و به‌سه‌ختی‌ برینداری‌ ده‌كات، دوای‌ دوو كاتژمێر ژنه‌كه‌ له‌نه‌خۆشخانه‌ به‌هۆی‌ سه‌ختی‌ برینه‌كه‌یه‌وه‌ گیانی‌ له‌ده‌ستدا و بكوژیش بۆ شوێنێكی‌ نادیار هه‌ڵات.

دەشڵێت “ده‌ستبه‌جێ به‌ڕێوه‌به‌ری‌ پۆلیسی‌ پارێزگای‌ سلێمانی‌ بەشی پۆلیسی فریاکەوتن و بنکەکانی ھەواری شارو کوردسات و سەرچنار و هێزی‌ تایبه‌تی‌ باره‌گای بەڕێوەبەرایەتی و بەشی پۆلیسی نەھێشتنی تاوان بۆ دۆزینه‌وه‌ و ده‌ستگیركردنی‌ تۆمه‌تبار ڕاسپارد، پاش وەرگرتنی بڕیاری دادوەر‌و له‌ماوه‌ی‌ کەمتر لەکاتژمێرێکدا توانرا بكوژی‌ ژنه‌كه‌ بدۆزرێته‌وه‌و ده‌ستگیربكرێت‌ و ده‌ستیشبگیرێت به‌سه‌ر ئه‌و چه‌كه‌دا كه‌ تاوانه‌كه‌ی‌ پێ ئه‌نجامدراوه‌”.

ئاماژەی بەوەشکرد:له‌ ئێستادا تۆمه‌تبار (ر، ب، م) له‌دایكبووی‌ 1994 به‌بڕیای‌  دادوه‌ر ڕاگیراوه‌و لێكۆڵینه‌وه‌كان به‌رده‌وامه‌.