لە دژی بڕیارێكی حكومەت لەبارەی پلەبەرزكردنەوە، خۆپیشاندانی سەرتاسەری مامۆستایان بەڕێوەدەچێت

SNN-عەلی حەمەسەعید

لە بەرامبەر بڕیارێكی حكومەتی هەرێم كە تابەت بە پلەبەرزكردنەوەی تەنها ئەو فەرمانبەرانەی كە چالاكن و پێویستن لە فەرمانەگەكاندا، ئەمڕۆ بەشێكی زۆر لە مامۆستایان و فەرمانبەرانی داموودەزگا حكومەییەكان ئەم بڕیارەی حكومەت ڕەتدەكەنەوە و بڕیارە ڕۆژی شەممە خۆپیشاندانی سەرتاسەری مامۆستایان وفەرمانبەران لەسەرجەم شاروشارۆچكەكان بەڕێوە بچێت.

دیاری محەمەد، یەكێك لە ئەندامانی دەستەی مامۆستایانی ناڕازی بە SNNی ڕاگەیاند: دوای ڕاوێژو گفتوگۆكردن لەگەڵ مامۆستایانی سەرجەم شاروچارۆچەكان لە بارەی بڕیارەكەی ئەنجومەنی وەزیرانی هەرێمی كوردستان كە لە ڕۆژی 26-10-2022 دەریكردووە پلەبەرزكردنەوەی فەرمانبەران و مامۆستایان بەكۆی دەنگئەو بڕیارەمان ڕەتكردووەتەوە پێمان وایە كە ئەم بڕیارە ستەمێكی نوێیە لە مووچەخۆران دەكرێت و جێگای قبوڵكردن نیە.

ئەو ئەندامەی دەستەی مامۆستایانی ناڕازی ئەوەشی خستەڕوو، بەپێی یاسا مافی پلەبەرزكردنەوە بە مووچەخۆران بەخشراوەو لە ئێستاشدا بەپێی بڕیارێكی نوێی حكومەتی هەرێم ستەمێكی ئاشكرا لە زۆرینەی مووچەخۆران دەكرێت و ئێمە ئەو بڕیارە ڕەتدەكەینەوە بەو هۆیەوە بۆیە بڕیارمانداوە كە ڕۆژی شەممەی داهاتوو لەسەرجەم شاروشارۆچكەكانی هەرێمی كوردستان خۆپیشاندانی سەرتاسەری بەڕێوەدەچێت