دوای چەندین جار رەتکردنەوە نەوت لە پێنجوێن دابەشدەکرێت

SNN-

دوای چەندجار رەتکردنەوە دواجار سبەینێ چوارشەممە 7ی کانوونی یەکەمی 2022، نەوت لە سنووری پێنجوێن دابەشدەکرێت.

قائیمقامیەتی پێنجوێن، دانیشتوانی پێنجوێن وهەردوو ناحیەی گەرمک وناڵپارێز ئاگاداردەکاتەوە ڕۆژی چوار شەممە 7ی کانوونی یەکەمی 2022، یەکەم وەجبەی نەوتی سپی دێت بۆقەزای پێنجوێن وبەسەرهاوڵاتییاندا دابەش دەکرێت.

قائیمقامیەت داوایەک لە هاووڵاتییان دەکات و دەڵێت:”تەنها لە گەڕەکی خۆیاندا بەرمیلی نەوت ڕیزبکەن، دابەشکردنەکەش لەگەڕەکی( کانی گوێژ) ەوە دەستپێدەکات بەڕیزبەندی دەچێت بۆ گەڕەکەکانی دیکەی ناوپێنجوێن.

لە راگەیەندراوەکەدا هاتووە کە بە کارتی سوتەمەنی( پێنجوێن کۆدی 283)وکۆپی ناسنامە یاخود هەربەڵگەنامەیەکی تری فەرمی نەوتەکە دەدرێت بەهاووڵاتییان.

نرخی یەک بەرمیل نەوت بە سەدو سێ هەزار500 دیناردەدرێت بەهاوڵاتیان بڕی نەوتەکەیش (200)دووسەد لیترە. و بەچەند قۆناغێکیش دابەشدەکرێت.