تەندروستی سلێمانی: لە رۆژانی پشوودا نەخۆشخانەکان کراوە دەبن

SNN-

تەندروستی سلێمانی رایگەیاند، لەڕۆژانی پشوودا سەرجەم نەخۆشخانەکانی پارێزگای سلێمانی بەشێوەی ئیشکگر 24 کاتژمێر کراوەدەبن

تەندروستی سلێمانی بڵاویکردووەتەوە، بەمەبەستی ئامادەکاری و بەردەوامبوون لە پێشکەشکردنی خزمەتگوزاری تەندروستی لەڕۆژانی پشووەکانی سەری ساڵی نوێدا، جگە لەنەخۆشخانە فریاکەوتنەکان سەرجەم نەخۆشخانەو سەنتەرەکانی پێدانی چارەسەری کیمیای و سەنتەری چارەسەر بەتیشكی شێرپەنجەی سەنتەرەکانی شوشتنی گورچیلە وەتیمەکانی (چاودێری تەندروستی ، پشکنینی ئاو، نەخۆشییە گوازراوەکان) بەردەوام دەبن لەپێشکەشکردنی خزمەتگوزاری تەندروستی بەشێوەی ئێشکگر.

تەندروستی سلێمانی دەشڵێت، ئەمە جگە لەوەی هەریەک لە کلینیکە میلیەکان و ڕاوێژکارییەکان جگەلە (12/25 – 1-1) ڕۆژانی تر دەوامی ئاسایی تیدا دەبێت و کراوەدەبن.

تەندروستی سلێمانی داوا لەهاوڵاتییان دەکات و دەڵێت، لەکاتی بوونی هەر حاڵەتێکی کتوپڕدا دەتوانن پەیوەندی بە سەنتەری فریاکەوتنی خێرای تەندروستی ژمارە 122 بکەن.