تهقه له ناوهندى كهلتورى ئهحمهد كایا كرا له پاریس و 3 كهس كوژران
بهردهم ناوهندى كهلتورى ئهحمهد كایا له پاریس | AP
SNN
ئێوارهى ئهمڕۆ ههینى 23ى كانونى یهكهم، كهسێكى تهمهن 69 ساڵ تهقهى له ناوهندى كهلتورى ئهحمهد كایا كرد له پاریس و له ئهنجامدا سێ هاووڵاتى كوژران و چوار كهسى تر بریندار بوون.
لهبارهى وردهكارى رووداوهكهوه داواكارى گشتى پاریس له بهیاننامهیهكدا رایگهیاند، “كهسێكى فهڕهنسى تهمهن 69 ساڵ به چهكهوه ههڵیكوتاوهتهوه سهر ناوهندى كلتورى ئهحمهد كایا و سهرتاشخانهیهكى تهنیشتى ناوهندهكه و بههۆیهوه كوژرا و بریندار ههیه”.
لهبارهى ئامارى كوژراو و بریندارهكانهوه داواكارى گشتى پاریس ئهوهى خستهڕوو، “بههۆى رووداوهكهوه سێ هاووڵاتى كوژراون و چوارى تریش بریندار بوون، تهقهكهرهكهش به بریندارى دهستگیر كراوه”.
هاوكات جیرارد دارمانین، وهزیرى ناوخۆى فهڕهنسا لهبارهى رووداوهكهوه رایگهیاند، “هێرشكارهكه كهسێكى فهڕهنسییه و خانهنشینه و دهستگیر كراوه، تاوهكو ئێستاش نازانین هۆكارى پاڵنهرى ئهو كارهى چییه”.
