داوا لە حکومەتی عێراق دەکرێت يەکەمەکانی هەرێم دابمەزرێنێت
SNN
ئەندامێکی ئەنجومەنی نوێنەرانی عێراق رايگەياند: داوامان لە ئەنجومەنی راژەی عێراق کردووە، سێ يەکەمەکانی زانکۆ و پەيمانگاکانی هەرێم لەسەر ميلاکی حکومەتی ناوەندی دابمەزرێنن.
د. بڕيار رەشيد ئەندامی ئەنجومەنی نوێنەرانی عێراق لە پۆستێکيدا رايگەياند: بۆ جاری دووەم سەردانی ئەنجومەنی ڕاژەی گشتی فیدراڵیمان کرد، بۆ بابەتی دامەزراندنی سێ یەکەمەکانی زانکۆ و پەیمانگا حکومییەکانی هەرێم وهەڵگرانی بڕوانامەی باڵا .
ئاماژەی بەوەشکرد: لەگەڵ سەرۆکی ئەنجومەنەکە محمود تمیمی کۆبوینەوە لەبارەی دامەزراندنی سێ خوێندکارە یەکەمەکانی زانکۆو پەیمانگا حکومییەکانی هەرێم لەسەر میلاکی وەزارەتی خوێندنی باڵای عێراق ، نوسراوی کردووە بۆوەزارەتی خوێندنی باڵای عێراق و ئەوانیش بۆ خوێندنی باڵای هەرێم .
دەشڵێت “وەزیری خوێندنی باڵای حکومەتی هەرێم ناوەکانی ناردۆتەوە بۆ وەزارەتی خوێندنی باڵای عێراق، بڕیارە لەم مانگی داهاتوودا ناوەکان بگەڕێنەوە بۆ ئەنجومەنی ڕاژەی گشتی کارەکانیان تەواو بێت”.
د.بڕيار باسی لەوەشکردووە: دامەزراندنەکە خوێندکارانی ناو هەرێم دەگرێتەوە کە لە زانکۆ و پەیمانگا حکومییەکان تەواویان کردووە و دانیشتوی پارێزگاکانی هەرێمن.
وتيشی “96 ناوی خوێندنی باڵای هەرێمی کوردستانی ( دبلۆمی باڵا و ماستەر و دکتۆر)ایان پێگەشتووە بۆ دەمەزارندن”.
