قوباد تاڵەبانی و کونسوڵی گشتی بەریتانیا کۆبوونەوە

SNN
جێگری سەرۆکی ئەنجوومەنی وەزیران لە شاری سلێمانی پێشوازی کرد لە ڕۆزی کەیڤ کونسوڵی گشتی نوێی بەریتانیا لە هەرێمی کوردستان و وێڕای بەخێرهاتن لەبارەی هەندێک پرسەوە بیروڕایان گۆڕییەوە.

لە کۆبوونەوەکەدا كه‌ ئه‌مڕۆ چوارشه‌ممه‌ 18 کانوونی دووەمی 2023، به‌ڕێوه‌چوو قوباد تاڵەبانی بەخێرهاتنی کونسوڵی گشتی نوێی بەریتانیای کرد لە هەرێمی کوردستان و هیوای سەرکەوتنی بۆ خواست لە کارەکانی، لە بەشێکی تری دیدارەکەدا تیشک خرایە سەر کێشە ناوخۆییەکانی هەرێمی کوردستان و چۆنیەتی چارەسەرکردنیان.

لەبارەی پەیوەندییەکانی هەرێم و بەغدا قوباد تاڵەبانی جەختی لە زاڵبوون بەسەر ئاستەنگ و لەمپەرە ناوخۆیییەکان کردەوە بەمەبەستی داکۆکی لە مافە داراییەکانی هەرێمی کوردستان لە بودجەی 2023 بەو پێیەی شایستەییەکی نیشتمانی سەرجەم پێکهاتەو چین و توێژەکانی هەرێمی کوردستانە.

هەر دوو لا جەختیان لە پەرەپێدانی پەیوەندییە دووقۆڵییەکان و کاری هاوبەش کردەوە لە قۆناغی داهاتوودا.