فوئاد حسێن: نرخی نەوت باشە و بە دۆلار دەفرۆشرێت

‏SNN

وەزیری دەرەوەی عێراق رایگەیاند: میکانیزمێکی نوێ بۆ ناردنی 400 ملیارەکە دەگیرێتەبەر، دەشڵێت “عێراق ئابوورییەکی بەهێزی هەیە تووشی داڕمان نابێت”.

فوئاد حسێن وەزیری دەرەوەی عێراق لە پشکی پارتی دیموکراتی کوردستان لە چاوپێکەوتنێکی تەلەفیزیۆنیدا رایگەیاند: دۆخی ئابووری عێراق باشە و نرخی نەوت باشە و بە دۆلار دەفرۆشرێت، هەر بۆیەدیناری عێراقی وەک لیرەی تورکی و تمەنی ئێرانی لێنایەت و بەهاکەی دانابەزێت.

ئاماژەی بەوەشکرد: میکانیزمێکی نوێ بۆ ناردنی 400 ملیارەکە دەگیرێتەبەر، لەرێگەی بانکی بازرگانییەوە رەوانەی هەرێمی کوردستان دەکرێت.

سەبارەت بە کێشەکانی نێوان یەکێتی و پارتیش دەڵێت “پێویستە رێککەوتن بکرێت و هەردوولا هاوهەڵوێست بن ئەگینا پێگەی کوردستان لەبەغدا لاواز دەبێت.