سبەينێ شەپۆلێکی بەفربارين هەرێمی کوردستان دەگرێتەوە
SNN
شارەزايەکی کەشناسی پێشبينييەکانی کەشوهەوای سبەی شەممەی بڵاوکردەوە و رايگەياند: سبەينێ شەپۆلێکی بەفربارين هەرێمی کوردستان دەگرێتەوە، لە ناوچەکانی دهۆکەوە دەستپێدەکات و لە سەنتەری شاری سلێمانيش بەفر دەبارێت.
ئاراس جەبار شارەزای کەشناسی لە پۆستێکيدا بڵاويکردەوە:سبەی شەممە ئاسمانی ھەرێم بە زۆری ھەوری تەواو ئەبێت لەکاتەکانی ئێوارە و شەودا شەپۆلێکی بەفر و بارانبارین ناوچەکانمان دەگرێتەوە سەرەتاش لەسنوری پارێزگای دھۆکەوە دەستپێدەکات، بۆ کاتەکانی نیوەی شەو بەدواوە درێژ ئەبێتەوە بۆ سەرجەم ناوچەکان بەکاریگەری جیاواز و زۆرترین کاریگەری لەسەر ناوچە شاخاویەکانی سنوری پارێزگای دھۆک و ھەولێر و ئیدارەی راپەرین ئەبێت.
وتيشی “لەسەنتەری ئەم ناوچانەشدا بەتێکەڵی بەفر و باران دەبارێت ( شیلادزێ ، ئاکرێ ، سۆران ، خەلیفان ، ڕەواندز ، سلێمانی )”.
راشيگەياند: سبەی شەو لەگەڵ دەستپێکردنی ئەم شەپۆلەدا و ھاتنی بارستە ھەوای سارد ئەگەر ھەیە بەفر بارین سەنتەری ئەم ناوچانەش بگرێتەوە ( باتیفا ، بامەرنێ ، چەمانکێ ، ئامێدی ، دێرەلولک ، سەرسەنگ ، بارزان ، سیدەکان ، مێرگەسوور ، پێنجوێن ، بەرزنجە ، چوارتا ).
