“رۆژى 7 و 8ى ئازار دهستبه دابهشكردنى مووچه دهكرێت”
دراوى 25 ههزارى دینارى عێراق | فۆتۆ: SNN
SNN
وهزیرى دارایی و ئابوورى حكومهتى ههرێمى كوردستان رایدهگهیهنێت، رۆژى 7 و 8ى ئازار دهستبه دابهشكردنى مووچهى مانگى شوبات دهكرێت، دهشڵێت: “ئهوپهڕهى ههواڵى خۆیان دهدهن بۆ ئهوهى پێش نهورۆز مووچهى سهرجهم وهزارهتهكان دابهشبكهن”.
ئهمڕۆ چوارشهممه 1ى ئازار، ئاوات جهناب نورى، وهزیرى دارایی و ئابوورى حكومهتى ههرێمى كوردستان له نوێترین لێدوانى میدیایدا به پێگهى گاڤ نیوزى راگهیاند، “دابهشكردنى مووچه لهكاتى دیارى كراوى خۆیدا دهبێت و له رۆژى 7 و 8ى ئازار دهستبه دابهشكردنى مووچهى سهرجهم وهزارهتهكان دهكهین”.
له وهڵامى ئهو پرسیارهى ئایا مووچهى سهرجهم وهزارهتهكان پێش هاتنى جهژنى نهورۆز تهواو دهبێت؟ ئاوات جهناب نورى ئهوهشى خستووهتهڕوو، “ئێمه ههوڵى تهواوى خۆمان دهدهین بۆ ئهوهى بتوانین پێش نهورۆز مووچهى سهرجهم وهزارهتهكان دابهش بكهین”.
قسهكانى وهزیرى دارایی و ئابوورى لهكاتێكدایه كه پێشتر جوتیار عادل، وتهبێژى حكومهتى ههرێمى كوردستان رایگهیاندبوو، “ههموو 25ى مانگێك دابهشكردنى مووچه دهستپێدهكات و كاتى دابهشكردنى مووچه لهو بهروارهدا جێگیر دهكهین”.
