بڕیارێکی نوێ بۆ ئەو هاووڵاتییانەی دەیانەوێت بچنە وڵاتی ئێران
پاسپۆرتی عێراقی
SNN-
پاسپۆرتی سلێمانی رایگەیاند، ئەو هاووڵاتییانەی دەیانەوێت گەشتی ئێران بکەن دەبێت پاسپۆرتەکانیان ماوەکەی لە سێ مانگ زیاتری مابێت.
بەڕێوەبەرایەتی پاسپۆرتی سلێمانی بڵاویکردووەتەوە، لەبەرئەوەی دەفتــەرى پاسپۆرت لە عێراقدا نەماوە کۆمارى ئیسلامی ئێرانلە دەستپێشخەرییەکدا بۆ هەریمی کوردستان ڕێگا دەدات هەر پاسپۆرتێک ماوەکەی ( لەشەش بۆ سێ مانگی تیامابێت) هاوڵاتییەکە لە کونسوڵگەرى کۆمارى ئیسلامى ئێران ئەتوانێت ڤیزا وەربگرێت بۆ سەردانى ئێران، بە تایبەت ئەو کەسانەى زۆر پێویستیانە لەم کاتەدا، چونکە بەشێوەیەکى گشتی پێویستە پاسپۆرت ماوەی شەش مانگ زیاترى تیامابێت ئەو کات ئەتوانێت سەفەری پێ ئەنجام بدرێت بۆ ئێران بەبێ ڤیزا.
بەرێوەبەرایەتییەکە ئاماژەی بەوەکردووە، ئەو (ئۆفەرە)ی کۆمارى ئیسلامى ئێران وەک هاوکارییەکە بۆ دانیشتوانى هەرێمى کوردستانی ڕاگەیاندوە تا بتوانن بەبێ نوێکردنەوەی پاسپۆرت گەشتەکانیان ئەنجام بدەن بەپێی ئەو ماوەیەی ئاماژەی پێدراوە.
