ئاستى ئاوى بهنداوى دهربهندیخان 2 مهتر و 89 سانتیمەتر بهرزبووهتهوه
بهنداوى دهربهندیخان | فۆتۆ: KRG
SNN
بهڕێوهبهرى بهنداوى دهربهندیخان رایدهگهیهنێت، لهماوهى نۆ رۆژدا ئاستى ئاوى بهنداوى دهربهندیخان 2 مهتر و 89 سانتیمەتر بهرزبووهتهوه.
ئهمڕۆ ههینى 17ى ئازار، سامان ئیسماعیل، بەڕێوەبەری بەنداوی دەربەندیخان له لێدوانێكى میدیایدا رایگهیاند، “تاوهكو رۆژى 8ى ئازار، بهنداوى دهربهندیخان ملیارێک و 46 ملیۆن مەترسێجا ئاوى تێدا بووه، بهڵام بههۆى ئهو شهپۆلى بارانبارینهى له ماوهى رابردوودا له روویدا ئاستى ئاوى بهنداوهكه بۆ ملیارێك و 157 مەترسێجا بەرزبووەتەوه”.
وتیشى: “ئهم بهرزبوونهوهى ئاستى ئاوه بهواتاى ئهوه دێت، كه لهماوهى نۆ رۆژدا ئاستى ئاوى بهنداوهكه 2 مهتر و 89 سانتیمەتر بهرزبووهتهوه”.
ماوهى چهند رۆژێكه شهپۆلێكى بههێزى بارانبارین ههرێمى كوردستانى گرتووهتهوه و بهپێى ئامارهكانى بهڕێوهبهرایهتى گشتى كهشناسى و بومهلهرزهزانى ههرێم تهنیا لهماوهى 24 كاتژمێرى رابردوودا لهناو سهنتهرى پارێزگا سلێمانى 21 ملیمهتر بارانباریووه.
