سودانی پیرۆزبایی نەورۆز لە گەلی کورد دەکات

SNN-

محەمەد شیاع سودنای، سەرۆکوەزیرانی عێراق، پیرۆزبایی نەورۆز لە گەلی كورد دەكات و جەخت لەسەر یەكڕیزی و وابەستەیی چارەنوسی گەلانی عیراق بە یەكەوە دەكاتەوە.

ئەمڕۆ سێ‌ شەممە، محەمەد شیاع سودانی پەیامیکی بڵاوکردووەتەوە و دەڵێت:” بە جوانترین و گەشاوەترین دەربڕینی هیوا، پیرۆزبایی و هیوای دڵسۆزانەم پیرۆزبایی لە گەلی كوردمان لە هەرێمی كوردستانی عێراق دەكەین، پیرۆزبایی لە هەموو گەلی عێراقیش دەكەین بە تێكڕای مەزهەبەكانەوە، هەروەها بە هەموو گەلانی ناوچەكەش دەڵێن كە ئاهەنگی نەورۆز دەگێڕن نەورۆزتان پیرۆز بێت و ئاشتی و ئارامی و سەقامگیری باڵ بەسەر هەمواندا بكێشێت”.

دەشڵێت:” ئەمساڵ نەورۆز تێدەپەڕێنین، عێراقیشمان هەنگاوی گرنگ دەنێت بەرەو بەردەوامبوون و ڕەگداکوتانی ئاشتی مەدەنی، سوڕاندنی چەرخی ئابووری و کارکردن، و دەستپێکردنی بەرنامەی چاکسازیی گەورە مەبەست و واقیعی، کە دەستنیشانکردنی ئەولەویەتەکان لە بەرژەوەندیی… هاووڵاتی و پێداویستییەکانی، کە ئێمە لە یەکەم ڕۆژی کارکردنی ئەم حکومەتەوە دەستمان پێکردووە”.

راشیگەیاندووە: “هەموو ساڵێک نەورۆز هیوا بۆ ئەو کەسانە دەهێنێت کە ئاهەنگی دەگێڕن و لەگەڵیدا بەهاکانی کار و نیشتمانپەروەری تێدەپەڕن. ئەمساڵ پڕە لە هیوا و پڕە لە کار لە پێناو وڵاتەکەماندا، بۆیە لەم ڕۆژەدا دووپاتی دەكەینەوە كە چاومان لە عێراقێكە پێكەوە بونیاتی بنێین و هەموومان شانازی پێوە بكەین كە شایستەی گەلەكەی و مێژووەكەیەتی”.

جەختیشی کردەوە، “ئێمە بەوپەڕی خۆشحاڵییەوە چاوەڕوانی عێراقێک دەکەین کە پێکەوە بنیات دەنێین و شانازی پێوە بکەین، کە شایەنی ئەوەن، و لەگەڵ ئێمە و مێژوومان دەگونجێت”.