دادگای فیدراڵی بڕیارێکی لەسەر 400 ملیار دینارەکە دەرکرد
ئەنجوومەنی دادوەری دادگای فیدڕاڵی عێراق
SNN
ئەمڕۆ چوارشەممە، سکاڵایەکی پەرلەمانتار مستەفا سەنەدی رەتکردەوە کە داوایکردبوو بڕیاری رەوانەکردنی 400 ملیار دینار لە وەزارەتی دارایی عیراقەوە بۆ هەرێمی کوردستان رابگرێت.
بەڵام دادگای فیدراڵی داواکەی رەتکردەوە، چونکە بابەتەکە سیفەتی بەپەلەیی تێدا نییە، هەروەك لە سکاڵاکەدا ئاماژەی پێکراوە.
لایخۆشیەوە پەرلەمانتار مستەفا سەنەد رایگەیاند: داواکەی رەتکراوەتەوە، بەڵام هێشتا دۆسیەی سکاڵاکە بەکراوەیی ماوەتەوە و لە ماوەی چەند مانگی داهاتوودا تاوتوێ دەکرێتەوە.
لە کۆتایی ساڵی 2022دا حکومەتی عیراق رەزامەندی لەسەر رەوانەکردنی 400 ملیار دینار دا بۆ دابینکردنی مووچەی دوو مانگی فەرمانبەران، بەڵام دواتر راگەیەندرا ئەو پارەیە بە قەرز بۆ هەرێمی کوردستان نێردراوە.
