کەشوهەوای یەکەم ڕۆژی مانگی ڕەمەزان چۆن دەبێت؟

عەلی حەمەسەعید-SNN

شارەزایەکی شواری کەشناسی ئاماژە بەوەدەکات ئەمشەو لەچەند ناوچەیەکی جیاوازی هەرێمی کوردستان باران بەڕێژەی جیاواز دەبارێت و هاوکات سبەی پێنج شەممە کە هاوکاتە لەگەڵ یەکەم ڕۆژی مانگی ڕەمەزان ئاسمانی هەرێمی کوردستان لەنێوان هەورو خۆردا دەبێت و کەش سەقامگیردەبێت.

پشتیوان ئیبراهیم،،شارەزا لەبواری کەشناسی بە SNNی ڕاگەیاند: ئەمشەو لە سنووری چەند شاروشارۆچکەیەک ئەگەری دروست بونی تەم و مژ هەیە بەتایبەت لە سنووری تەقتەق قەڵادزێ سەیدسادق شارەزوور سیروان ئامێدی و کەورگۆسک.

ئاماژەی بەوەشکرد،سبەی پێنج شەممە 23/3/2023
کە هاوکاتە لەگەڵ یەکەم ڕۆژی مانگی ڕەمەزان ئاسمانی هەرێمی کوردستان لەنێوان هەور و خۆر دەبێت و کەش وهەواش بەگشتی سەقامگیر دەبێت.

هاوکات بەپێی پێشبینییەکانی ماڵپەڕی (ac_weather) پلەی گەرما لەنێوان 14 بۆ 15 پلەی سەدی دەبێت، لە رۆژانی دواتردا بەرزبوونەوەی زياتر بەخۆوە دەبينن.