وەزارەتی تەندروستی هەڵبژاردنی رێکەوتی جوانی بۆ لەدایکبوونی منداڵ قەدەغەکرد

‏SNN

وەزارەتی تەندروستی هەڵبژاردنی رێکەوتی جوانی بۆ لەدایکبوونی منداڵ قەدەغەکرد و رایگەیاند: هەر پزیشک و نەخۆشخانەیەک بەبێ بوونی بەڵگەی پزیشکی رێکەوتی جوان بۆ لەدایکبوونی منداڵ دابنێت رووبەڕووی رێکاری یاسایی دەبنەوە.

وەزارەتی تەندروستی لە راگەیەندراوێکدا بڵاویکردەوە: دوای تێبینی کردنی دیاردەی پەلەکردن یان دواخستن لە وادەی دیارکراوی زانستی و کلینیکی بەڵگەدار بۆ منداڵبوونی ئافرەتانی دووگیان یان ئەنجامدانی نەشتەرگەری لە ڕێکەوتە سەرنج ڕاکێشەکان و ڕۆژانی بۆنە و یادەکان بۆ نموونە وەکو (٣/٣/٢٠٢٣) یان (٢٣/٣/٢٠٢٣) بەتایبەتی لەسەر داوای ئافرەتانی دووگیان هەڵدەستن بە ئەنجامدانی نەشتەرگەری و خێرا یان دواخستن بێ ڕەچاوکردنی بوونی بەڵگەی زانستی و کلینیکی تەنها بۆ تۆمارکردنی ئەم ژمارە و رێکەوتانە وەکو ساڵیادی لەدایكبوون .

ئاماژەی بەوەشکرد: لە پێناو بەرژەوەندی و سەلامەتی نەخۆش و دایکان و منداڵانی تازە لەدایکبوو ئاگاداری سەرجەم نەخۆشخانەکانی کەرتی گشتی و کەرتی تایبەت و پزیشکانی بەڕێز دەکەینەوە بۆ ڕێگریکردن لەم دیاردەیە و تەنها بە بوونی بەڵگەی پزیشکی و کلینیکی پێویستە ئەندام بدرێت بە پێچەوانەوە پزیشکی بەرپرس و نەخۆشخانە رووبەڕووی رێکاری یاسایی دەبنەوە بۆ هەر گرفت و ئاڵۆزکاریێك.