کاتی کۆتایی هاتنی شەپۆلی بارانبارین راگەیەندرا

SNN-

کەشناسی هەرێم کاتی کۆتاییهاتنی ئەو شەپۆلی بارانبارینەی راگەیاند، کە ماوەی سێ رۆژە ناوچەکانی هەریمی کوردستانی گرتووەتەوە.

بەشی پێشبینی لە بەڕێوەبەرایەتی گشتی کەشناسی و بوومەلەرزەزانی هەرێمی کوردستان بڵاویکردووەتەوە، ئەمڕۆ هەینی 14- 4 – 2023، کاریگەری ئەو شەپۆڵە بارانەی ڕووی لە ناوچەکەمان کردبوو لە کاتەکانی ئێوارەدا کۆتایی دێت، ئاسمان نیمچە هەور دەبێت لە هەندێک ناوچە دەگۆڕێت بۆ هەورى تەواو لەگەڵ هەبوونی کەمێک باران بارین لە کات و ناوچەی جیاجیا بە تایبەت لە ناوچە شاخاوییەکان، پلەکانی گەرماش بەرز دەبێتەوە بە نزیکەى 1 تـــا 3 پلە.

هەروەها سبەی شەممە 15- 4 – 2023، ئاسمان بە گشتی پەڵە هەور بۆ نیمچە هەور دەبێت و پلەکانی گەرماش بە نزیکەی 2 تا 4 پلە بەرز دەبنەوە بەراورد بە تۆمارەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی :
هەولێر : 20 پلەى سیلیزى
سلێمانی : 19 پلەى سیلیزى
دهۆک : 19 پلەى سیلیزى
کەرکوک : 24 پلەى سیلیزى
هەڵەبجە : 22 پلەى سیلیزى
زاخۆ : 19 پلەى سیلیزى
سۆران : 18 پلەى سیلیزى
گەرمیان : 26 پلەى سیلیزى
بەشى پێشبینى / 14- 4 – 2023